موسیقی ہدایت کار کے لیٔے۔ گِتّیت‏ کے سُرپر مَبنی آسفؔ کی تصنیف۔
¹ خُدا کے حُضُور جو ہماری قُوّت ہیں بُلند آواز سے گاؤ؛
یعقوب کے خُدا کے حُضُور میں نعرے مارو!
² ساز چھیڑو اَور دف بجاؤ،
خُوش آہنگ سِتار اَور بربط بجاؤ۔
³ نئے چاند کے موقع پر،
اَور ہماری عید کے دِن جَب پُورا چاند ہو قَرنا بجاؤ؛
⁴ کیونکہ یہ اِسرائیل کے لیٔے اَحکام،
اَور یعقوب کے خُدا کا حُکم ہے۔
⁵ جَب خُدا مُلک مِصر کے خِلاف نکلیں،
خُدا نے اُسے یُوسیفؔ کے لیٔے قانُون ٹھہرایا۔
اَور جہاں ہم نے اَیسی آواز سُنی جِس سے ہم آشنا نہ تھے۔
⁶ خُداوؔند فرماتے ہیں: ”مَیں نے اُن کے کندھوں پر سے بوجھ اُتار دیا؛
اَور اُن کے ہاتھ ٹوکری ڈھونے سے بَری کر دئیے گیٔے۔
⁷ تُم نے اَپنی مُصیبت میں پُکارا اَور مَیں نے تُمہیں چھُڑا لیا،
اَور مَیں نے گرجتے بادل میں سے تُمہیں جَواب دیا؛
مَیں نے تُمہیں مریبہؔ کے چشمہ پر آزمایا۔
⁸ اَے میری اُمّت! سُنو، میں تُمہیں آگاہ کرتا ہُوں۔
اَے اِسرائیل! کاش کہ خُدا میری سُنتے!
⁹ خُدا کے درمیان کویٔی غَیر معبُود نہ ہو؛
خُدا کے سِوا کسی غَیر معبُود کو سَجدہ نہ کرو۔
¹⁰ میں، یَاہوِہ، تمہارا خُدا ہُوں،
جو تُمہیں مُلک مِصر سے نکال لائے۔
تُم اَپنا مُنہ خُوب کھولو اَور مَیں اُسے بھروں گا۔
¹¹ ”لیکن میری اُمّت نے میری نہ سُنی؛
اِسرائیل نے میری اِطاعت نہ کی۔
¹² اِس لیٔے مَیں نے اُنہیں اُن کی اِحسَان فراموشی کے حوالہ کر دیا
تاکہ وہ اَپنی ہی راہوں پر چلیں۔
¹³ ”کاش کہ میری اُمّت میری سُنتی،
اَور اِسرائیل میری راہوں پر چلتا،
¹⁴ تو میں فوراً اُن کے دُشمنوں کو مغلُوب کر دیتا
اَور اُن کے مُخالفوں پر اَپنا ہاتھ چلاتا!
¹⁵ یَاہوِہ سے عداوت رکھنے والے اُن کے آگے عاجز آ جاتے،
اَور اُن کی سزا اَبد تک قائِم رہتی۔
¹⁶ لیکن تُمہیں بہترین گیہُوں کھِلایا جاتا؛
اَور مَیں تُمہیں چٹّان میں کے شہد سے سیر کرتا۔“

(Biblica® آزادانہ اردو ہم عصر ترجمہ™)