موسیقی ہدایت کار کے لیٔے۔ داویؔد کا زبُور۔
¹ جَب آپ مُصیبت کا شِکار ہو تو یَاہوِہ آپ کی فریاد سُن کر جَواب دیں گے؛
یعقوب کے خُدا کا نام آپ کی حِفاظت کرے۔
² وہ پاک مَقدِس سے آپ کے لیٔے مدد بھیجیں
اَور صِیّونؔ سے تُمہیں سہارا دیں۔
³ وہ آپ کی سَب نذریں یاد رکھیں،
اَور آپ کی سوختنی نذروں کو قبُول فرمائیں۔
⁴ وہ آپ کی دِلی تمنّا پُوری کریں،
اَور آپ کے سَب منصُوبوں میں تُمہیں کامیابی عطا فرمائے۔
⁵ جَب تُم نَجات پاؤ تو ہم خُوشی کے نعرے لگائیں گے
اَور اَپنے خُدا کے نام پر اَپنے جھنڈے بُلند کریں گے۔
یَاہوِہ آپ کی تمام درخواستیں پُوری کریں۔
⁶ اَب مَیں جان گیا کہ یَاہوِہ اَپنے ممسوح کو بچا لیتے ہیں؛
وہ اَپنے داہنے ہاتھ کی نَجات بخش قُوّت سے
اُسے اَپنے مُقدّس آسمان پر سے جَواب دیتے ہیں۔
⁷ بعض لوگوں کو جنگی رتھوں پر بھروسا ہوتاہے اَور بعض کو گھوڑوں پر،
لیکن ہم تو یَاہوِہ اَپنے خُدا ہی کے نام پر بھروسا کریں گے۔
⁸ وہ مغلُوب ہُوئے اَور گِر گیٔے،
لیکن ہم اُٹھے اَور ثابت قدم رہے۔
⁹ اَے یَاہوِہ، بادشاہ کو فتح بخشیں!
اَور جَب ہم پُکاریں تو ہمیں جَواب دیں!