موسیقی ہدایت کار کے لیٔے۔ بنی قورحؔ کی تصنیف ایک زبُور۔
¹ اَے سَب قوموں تالیاں بجاؤ؛
خُوش آوازی سے خُدا کے لیٔے نعرے مارو۔
² یَاہوِہ خُداتعالیٰ کس قدر مُہیب ہے،
جو تمام رُوئے زمین کے عظیم بادشاہ ہے!
³ اُنہُوں نے قوموں کو ہمارے قدموں میں کر دیا،
اَور مُختلف اُمّتوں کو ہمارے قدموں کے نیچے ڈال دیا۔
⁴ اُنہُوں نے ہمارے لیٔے ہماری مِیراث چُن لی،
جو اُس کے عزیز یعقوب کے لیٔے فخر کا باعث ہے۔
⁵ خُدا نے خُوشی کے نعروں کے ہمراہ،
اَور یَاہوِہ نے نرسنگوں کی آواز کے درمیان صعُود فرمایا۔
⁶ خُدا کی مدح سرائی کرو، مدح سرائی کرو؛
ہمارے بادشاہ کی مدح سرائی کرو، مدح سرائی کرو۔
⁷ کیونکہ خُدا ساری زمین کا بادشاہ ہے؛
اُس کی تعریف میں نغمہ سِرا ہو جاؤ۔
⁸ خُدا قوموں پر حُکمرانی کرتا ہے؛
خُدا اَپنے مُقدّس تخت پر بیٹھا ہے۔
⁹ قوموں کے سردار
اَبراہامؔ کے خُدا کی اُمّت میں شامل ہونے کے لیٔے اِکٹھّے ہو جاتے ہیں،
کیونکہ زمین کے ڈھالیں خُدا کی ہیں؛
وہ نہایت ہی بُلند ہے۔