موسیقی ہدایت کار کے لیٔے۔ تاردار سازوں کے ساتھ۔ آسفؔ کا زبُور۔ ایک نغمہ۔
¹ خُدا یہُوداہؔ میں مشہُور ہے؛
اُن کا نام اِسرائیل میں عظیم ہے۔
² اُن کا خیمہ شالمؔ میں،
اَور اُن کی قِیام گاہ صِیّونؔ میں ہے۔
³ وہاں اُنہُوں نے چمکدار تیروں کو،
اَور ڈھالوں، تلواروں اَور اسلحہ جنگ کو توڑ ڈالا۔
⁴ آپ جلال سے مُنوّر ہیں،
اَور اُن پہاڑوں سے بھی زِیادہ دلکش ہے
جو شِکار کئے جانے والے جانوروں سے بھرے پڑے ہیں۔
⁵ سُورما فَوجی لُٹ گیٔے،
اَور اَپنی آخِری نیند سو رہے ہیں؛
سُورماؤں میں سے کسی
کا ہاتھ بھی کام نہیں کرتا۔
⁶ اَے یعقوب کے خُدا! آپ کی ڈانٹ سے،
گھوڑے اَور رتھ، دونوں بے حس و حرکت پڑے ہیں۔
⁷ صِرف آپ ہی سے ڈرنا چاہئے،
اَور جَب آپ خفا ہو تو کون آپ کے سامنے کھڑا رہ سَکتا ہے؟
⁸ آپ نے آسمان پر سے فیصلہ سُنایا،
اَور زمین ڈر کر چُپ ہو گئی۔
⁹ جَب آپ اَے خُدا، اِنصاف کرنے کے لیٔے اُٹھیں،
تاکہ مُلک کے تمام مظلوم بچا لئے جائیں،
¹⁰ بے شک اِنسان کے خِلاف آپ کا غضب، آپ کی سِتائش کا باعث بنتا ہے،
اَورجو آپ کے غضب سے بچ جاتے ہیں عِبرت حاصل کرتے ہیں۔
¹¹ یَاہوِہ، اَپنے خُدا کے لیٔے مَنّت مانو اَور پُوری کرو؛
اَور اِردگرد کے سَب لوگ
اُن کے لیٔے جِن سے ڈرنا واجِب ہے، عطیات لائیں۔
¹² خُدا حُکمرانوں کے حوصلے پست کرتے ہیں؛
اَور دُنیا کے بادشاہ اُن کا خوف مانتے ہیں۔

(Biblica® آزادانہ اردو ہم عصر ترجمہ™)