1 اَے یَاہوِہ، آپ اَپنے قہر میں مُجھے نہ جھڑکیں،
اَور نہ اَپنے غضب میں مُجھے تنبیہ کریں۔
² اَے یَاہوِہ، مُجھ پر رحم کریں کیونکہ مَیں پژمردہ ہو چُکا ہُوں؛
اَے یَاہوِہ، مُجھے شفا بخشیں، میری ہڈّیاں شدید تکلیف میں مُبتلا ہیں۔
³ میری جان بھی نہایت پریشان ہے،
اَے یَاہوِہ، آخِر کب تک آپ کی مدد کا منتظر رہُوں؟
⁴ اَے یَاہوِہ، توجّہ فرمائیں اَور مُجھے رِہائی بخشیں؛
اَپنی لافانی مَحَبّت کے باعث مُجھے رِہائی بخشیں۔
⁵ کیونکہ مرنے کے بعد آپ کو کویٔی یاد نہیں کرتا۔
قبر میں سے کون آپ کی تمجید کر سَکتا ہے؟
⁶ میں کراہتے کراہتے تھک گیا؛
رات بھر رو رو کر میں اَپنا بِستر بھگوتا ہُوں
اَور اَپنا پلنگ آنسُوؤں سے تربتر کرتا ہُوں۔
⁷ میری آنکھیں غم کے مارے پژمردہ ہو رہی ہیں؛
اَور میرے سَب حریفوں کی وجہ سے وہ دھُندلانے لگی ہیں۔
⁸ اَے بدکردارو، تُم سَب میرے پاس سے دُورہو جاؤ،
کیونکہ یَاہوِہ نے میرے رونے کی آواز سُن لی ہے۔
⁹ یَاہوِہ نے میری فریاد سُن لی؛
یَاہوِہ میری دعا قبُول فرماتے ہیں۔
¹⁰ میرے سارے دُشمن شرمندہ اَور دہشت زدہ ہوں گے؛
وہ ناگہاں رُسوا ہوکر لَوٹ جایٔیں گے۔