¹ جَب مَیں آپ کو پُکاروں، تو مُجھے جَواب دیں!
اَے میرے عادل خُدا،
مُجھے میری تکلیف سے بَری کریں؛
مُجھ پر مہربانی کریں اَور میری دعا سُنئے۔
² اَے لوگو! تُم کب تک میری عظمت کو ندامت میں بدلتے رہوگے؟
تُم کب تک بطالت سے مَحَبّت رکھوگے،
اَور جھُوٹے معبُودوں کو ڈھونڈتے رہوگے؟
³ جان رکھو کہ یَاہوِہ نے صادقوں کو اَپنے لیٔے الگ کر رکھا ہے؛
جَب مَیں یَاہوِہ کو پُکاروں گا تو وہ سُن لیں گے۔
⁴ تھرتھراؤ اَور تُم گُناہ سے باز رہو؛
خاموش رہو،
اَور جَب تُم اَپنے بِستر پر لیٹتے ہو،
اَور تُم اَپنے دِلوں کو ٹٹولو۔
⁵ صداقت کی قُربانیاں راستی سے گزرانو
اَور یَاہوِہ پر توکّل کرو۔
⁶ کیٔی لوگ پُوچھتے ہیں، ”کون ہمیں کچھ بھلائی دِکھائے گا؟“
اَے یَاہوِہ، اَپنے چہرہ کا نُور ہم پر چمکائیں،
⁷ آپ نے میرے دِل میں اِس سے کہیں زِیادہ خُوشی بخشی ہے،
جو اُنہیں اناج، اَور نئے انگوری شِیرے کی فراوانی سے حاصل ہوتی ہے۔
⁸ میں لیٹ کر اِطمینان سے سو جاؤں گا،
کیونکہ اَے یَاہوِہ، صِرف آپ ہی ہیں
جو مُجھے بحِفاظت آرام کرنے دیتے ہیں۔