¹ اَے یَاہوِہ، ہمارے خُداوؔند،
آپ کا نام ساری زمین پر کیسا زبردست ہے!
آپ نے آسمان پر
اَپنا جلال قائِم کیا ہے۔
² اَپنے دُشمنوں کے باعث بچّوں اَور شیرخواروں
کے لبوں سے بھی آپ نے اَپنی حَمد کروائی،
تاکہ اَپنے حریفوں اَور اِنتقام لینے والوں کو خاموش کر دیں،
³ جَب مَیں آپ کے آسمان پر،
جو آپ کی دستکاری ہے،
اَور چاند اَور سِتاروں پر،
جنہیں آپ نے اُن کی جگہوں پر قائِم کیا ہے،
⁴ تو پھر اِنسان کیا چیز ہے کہ آپ اُس کا خیال کریں؟
اَور اِبن آدمؔ کیا ہے کہ آپ اُس کی خبرگیری کریں؟
⁵ اَور آپ نے اِنسان کے سَر پر جلال اَور عِزّت کا تاج پہنایا،
کیونکہ خُدا آپ نے اُسے فرشتوں سے کچھ ہی کمتر بنایا ہے۔
⁶ خُدا آپ نے اُسے اَپنی دستکاری پر تسلُّط بخشا؛
اَور سَب کچھ اُن کے قدموں کے نیچے کر دیا:
⁷ یعنی سَب بھیڑ بکریاں اَور گائے بَیل،
اَور جنگل کے درندے،
⁸ آسمان کے پرندے،
اَور سمُندر کی مچھلیاں،
اَور جتنے جاندار سمُندروں کی راہوں میں تیرتے ہیں۔
⁹ اَے یَاہوِہ، ہمارے خُداوؔند،
آپ کا نام زمین پر کیسا زبردست ہے!